ប្រកួត​ប្រជែង​ពាន​អ៊ីខេមបូឌានព្រីមៀរលីគឆ្នាំ២០២៤/២៥ វិញ្ញាសារ Console សប្ដាហ៍ទី១ នឹងត្រឡប់វិញមកវិញនាថ្ងៃសុក្រ ទី១៨ ខែតុលា ឆ្នាំ២០២៤ ខាងមុខនេះ នៅផ្សារទំនើប U Mall ចាប់ពីម៉ោង ៥:០០ នាទីល្ងាចតទៅ។

កីឡាករ eFootball ​តំណាង​ក្លិប​ទាំង ១១នៅខេមបូឌានព្រីមៀរលីគ នឹង​ត្រូវយកក្លិបទាំង១១ ពី J1 របស់ជប៉ុន ដែលបានចាប់ឆ្នោតរួចរាល់កាល​ពីថ្ងៃទី២៥ ខែកញ្ញា កន្លងទៅ ហើយពានរង្វាន់អ៊ីខេមបូឌានព្រីមៀរលីគឆ្នាំ២០២៤/២៥ ដែល​ជាការប្រកួតជាលក្ខណៈលីគ២ជុំ និងយកក្រុមដែលមានពិន្ទុខ្ពសើជាងគេ៦ក្រុម ទៅប្រកួតដំណាក់កាលទី២ ជាបន្ដទៀត ។

គួរបញ្ជាក់ថា សម្រាប់​ការប្រកួតអ៊ីខេមបូឌានព្រីមៀរលីគ រដូវ​កាល​ឆ្នាំ២០២៣/២៤ ​ម្ចាស់​ជើងឯក បាន​ទៅ​លើកីឡាករ ទឹម វង្សរ៉ាវុទ្ធ របស់ក្លឹបបាល់ទាត់ណាហ្គាវើលដ៍ ក្រោយ​យក​ឈ្នះ​លើ​កីឡាករ កីឡា​ករ មុត​ លី តំណាង​ក្រុម​ព្រៃវែង កាល​ពី​ថ្ងៃទី១៧ មីនា នៅទីលាន The Blue Sports Center ៕