ការប្រកួតខេមបូឌានព្រីមៀរលីគ ឆ្នាំ២០២៤/២៥ នឹងបញ្ចប់នៅចុងសប្ដាហ៍នេះហើយ ខណៈ ដែលព្រះខ័នរាជស្វាយរៀង ជាម្ចាស់ជើងឯកនៅរដូវកាលនេះ ។

គិតត្រឹមសប្តាហ៍ទី៣១នេះ ក្រុមកំពូលតារាងព្រះខ័នរាជស្វាយរៀងមាន ៧៦ពិន្ទុ ដាច់លេខ២ ភ្នំពេញក្រោន ៧ពិន្ទុ ទោះបីជាការប្រកួតនៅសល់តែ១ប្រកួតទៀតក្ដី ក៏ព្រះខ័នរាជស្វាយរៀង មានពិន្ទុគ្រប់គ្រាន់ក្នុងការគ្រងជើងឯកខេមបូឌានព្រីមៀរលីគ ឆ្នាំ២០២៤/២៥ ខណៈការប្រកួតបន្ទាប់ ពួកគេនឹងត្រូវលេងតទល់នឹង ជាមួយភ្នំពេញក្រោន នាថ្ងៃទី១៨ ខែឧសភា ឆ្នាំ២០២៥ ខាងមុខនេះ ។

គួរបញ្ជាក់ឱ្យដឹងផងដែរថាពិធីប្រគល់ពានរង្វាន់ជម្រើសជើងឯកខេមបូឌានព្រីមៀរលីគ ២០២៤/២៥ គ្រោងនឹងធ្វើឡើងនៅលើទឹកដីខេត្តស្វាយរៀង ក្រោយពីបញ្ចប់ការប្រកួតរវាង ព្រះខ័នរាជស្វាយរៀង ជាមួយ ភ្នំពេញក្រោន នាថ្ងៃទី ១៨ ខែឧសភា ឆ្នាំ២០២៥ តែម្ដង ៕

សូមអរគុណបងប្អូនអ្នកគាំទ្រវិស័យបាល់ទាត់ជាតិទាំងអស់គ្នា ដែរបានចំណាយពេល  នឹងខិតខំប្រឹងប្រែងចូលរួមគាំទ្រតាំងពីដើមរហូតដល់មកដល់សប្តាហ៍ចុងក្រោយនេះ។