ការប្រកួតជម្រើសជើងឯកខេមបូឌានព្រីមៀរលីគរដូវកាល២០២៣/២៤ បានបញ្ចប់ជុំទី១រួចរាល់ហើយកាលពីសប្ដាហ៍ទី៩កន្លងទៅ និងបានចាប់ផ្ដើមជុំទី២បន្ដតែម្ដង​។

Cambodian Premier League បាន​​ចេញ​កាលបរិច្ឆេទ​នៃ​ការ​ផ្ទេរ​កីឡាករ​ជាតិ និង​កីឡាករ​អន្តរជាតិ លើក​ទី​២ (Transfer Window 2) តាម​ប្រព័ន្ធ​អនឡាញ (FIFA TMS and FIFA CONNECT) ចាប់​ពី​ថ្ងៃទី១៤ ខែវិច្ឆិកា ២០២៣ ហើយបិទទៅវិញថ្ងៃទី១១ ខែធ្នូ ២០២៣ ដោយ​ក្នុងនោះ​ក្លិប​ជា​សមាជិក​អាច​បន្ថែម​កីឡាករ​ក្នុង​ក្រុម​ខ្លួន​បាន​៖ កីឡាករជាតិ (FFC) ៦រូប និងកីឡាករអន្តរជាតិ (FIFA) ៣រូប។

គួរឱ្យដឹងផងដែរថា ឆ្លងកាត់១០សប្ដាហ៍ កន្លងទៅព្រះខ័នរាជស្វាយរៀង មិនទាន់ស្គាល់ថាចាញ់និងស្មើរនោះទេ មាន៣០ពិន្ទុពេញ ឈរកំពូលតារាង តាមពីក្រោយដោយ ភ្នំពេញក្រោន មាន ២២ពិន្ទុ និង វិសាខា មាន២១ ពិន្ទុ ៕