ព្រះខ័នរាជស្វាយរៀង ដាច់ភ្នំពេញក្រោន ៥ពិន្ទុរក្សាដំណែងកំពូលតារាង
ការប្រកួតជម្រើសជើងឯកខេមបូឌានព្រីមៀរលីគរដូវកាល២០២៣/២៤ សប្ដាហ៍ទី១២ បានបញ្ចប់ហើយកាលពីយប់មិញនេះ ជាការប្រកួតរវាង យោធពលខេមរភូមិន្ទ និងភ្នំពេញក្រោន ។
ក្រោយបញ្ចប់ការប្រកួតចំនួន៥គូយើងឃើញថា ក្លិបបាល់ទាត់ដែលដឹកនាំរបស់លោក Pep Muñoz ព្រះខ័នរាជស្វាយរៀង នៅតែរក្សាដំណែងកំពូលតារាង មាន ៣១ពិន្ទុ ទោះបីបរាជ័យក្រោមថ្វីជើងរបស់ណាហ្គាវើលដ៍ ១ទល់០ កាលពីល្ងាចថ្ងៃសៅរ៍កន្លងទៅក៏ដោយ តាមពីក្រោយដោយ ភ្នំពេញក្រោនមាន ២៦ពិន្ទុ លេខ៣ វិសាខា មាន២៣ពិន្ទុ និងលេខ៤ អាយអេសអាយដង្កោសែនជ័យ មាន ១៧ពិន្ទុ។
សូមបញ្ជាក់ឱ្យដឹងផងដែរការប្រកួតជម្រើសជើងឯកខេមបូឌានព្រីមៀរលីគរដូវកាល២០២៣/២៤ មាន ១០ក្រុម ត្រូវប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ ដល់លេខ៤ មានឈ្មោះឡើងទៅជុំបន្ត ប៉ះគ្នា១ជុំ សរុបពិន្ទុក្រុមមានពិន្ទុច្រើនជាងគេក្លាយជាម្ចាស់ជើងឯក ៕
